တကယ်တော့ လိပ်ခေါင်းရောဂါက အဖြစ်မနည်းလှပါဘူး။ လူအများထဲမှာကော ဆရာဝန်ဆီမှာပါ ပြောရ ပြရမှာ ရှက်နေကြလို့ သိပ်မဖြစ်ဘူး ထင်နေကြတာပါ။
လိပ်ခေါင်းရောဂါဆိုတာ ဘလိုမျိုးလဲ
လိပ်ခေါင်းရောဂါဆိုတာက စအိုဝ နဲ့ စအိုလမ်းကြောင်းမှာရှိတဲ့ သွေးကြောလေးတွေ ဖောင်းဖုထွက်လာကာ သွေးတွေနဲ့ပြည့်ပြီး ဖြစ်လာတာပါ။
လိပ်ခေါင်းရောဂါ အမျိုးအစားများ
လိပ်ခေါင်းစထွက်တဲ့ နေရာပေါ်မူတည်ပြီး
၁။ အပြင်လိပ်ခေါင်းဆိုတာ စအိုအပြင်ဝ သွေးကြောလေးတွေ ဖောင်းဖုဖြစ်လာတာဖြစ်တယ်။ ဒီလို လိပ်ခေါင်းကပိုအဖြစ်များပါတယ်။
၂။ အတွင်းလိပ်ခေါင်းဆိုတာက စအိုအတွင်းပိုင်းထဲက သွေးကြောတွေ ဖြစ်လာတာပါ။
အဲထဲမှာမှ အတွင်းလိပ်ခေါင်းရောဂါကို ဆိုးရွားမှုအပေါ်မူတည်ပြီး အဆင့် ၄ ဆင့်ရှိပါတယ်။
အဆင့် ၁။ သွေးထွက်ရုံပဲ ထွက်တဲ့ လိပ်ခေါင်း
အဆင့် ၂။ လိပ်ခေါင်း သွေးကြောဖုလေးက အိမ်သာတက်အီးညှစ်တဲ့ အချိန်ပဲ ထွက်လာပြီး ပြီးရင်အလိုလိုပြန်ဝင်ပါတယ်။
အဆင့် ၃။ လိပ်ခေါင်းက အကြောင်းတခုခ ကြောင့် ထွက်လာလျှင် သူ့ဘာသူတော့ပြန်မဝင်တော့ဘူး။ လက်နဲ့ပြန်သွင်းရင်တော့ ဝင်သွားတယ်။
အဆင့် ၄။ လိပ်ခေါင်းက အမြဲတမ်းစအိုအပြင်ဘက်ကိုထွက်နေတယ်။ လက်နဲ့ပြန်သွင်းလည်း အထဲကိုသွင်းမရတော့ဘူး။
ဒီလိပ်ခေါင်းရောဂါ အဆင့် သတ်မှတ်ချက်ကတော့ အတွင်းလိပ်ခေါင်း အတွက် ခွဲခြားထားတာဖြစ်တယ်။
လိပ်ခေါင်းရောဂါ ဘာကြောင့်ဖြစ်တာလဲ
-ဝမ်းညှစ်လွန်းသူများ
-ဝမ်း ချုပ်လွန်းသူများ
-အလေးအပင် မ, ရသူများ
-နာတာရှည် ချောင်းဆိုး ရောဂါ ခံစားနေသူများ
-ကိုယ်ဝန်ဆောင် မိခင်များ
-အသက်ကြီး၍ တင်ပါး နှင် စအို ကြွက်သား အားနည်းသူများ
-ကာလကြာရှည် ဝမ်းလျှောဝမ်းပျက်နေသူများ အစရှိသူတို့မှာ အဖြစ်များကြလေ့ရှိတယ်။
ရောဂါလက္ခဏာများ
-ဝမ်းသွားတဲ့အခါ သွေးပါမယ်။
-လိပ်ခေါင်းလို့ ခေါ်တဲ့ သွေးကြောဖုလေးတွေ ထွက်လာမယ် ။ စမ်းမိမယ်။
-စအိုကနေ အကျိအချွဲ တွေ ထွက်မယ်။
-စအို ယားယံမယ်။
-ဝမ်းသွားပြီးတဲ့ အခါ ဝမ်းမကုန်သလို ခံစားရမယ်
-လိပ်ခေါင်းက ဖောင်းပြီး နာလာတတ်မယ်။
-အတွင်းလိပ်ခေါင်းက ထွက်ကျလာပြီး ပြန်မဝင်တော့ဘဲ အညှစ်ခံရသလိုဖြစ်ပြီး စအိုအပြင်မှာ တင်းရောင်ဖောင်းကားလာတတ်တယ်။
အပြင်လိပ်ခေါင်းကတော့ မြင်ရုံနဲ့ သိသာပေမယ့် အတွင်းလိပ်ခေါင်း ဟုတ် မဟုတ်ကတော့ Protoscope လို့ခေါ်တဲ့ စအိုကြည့်တဲ့ စတီးပိုက် နဲ့ကြည့်ပြီး ဆရာဝန်က ဆုံးဖြတ်ပါလိမ့်မယ်။
ဘလိုကုသရမလဲ
ပုံမှန်အားဖြင့်တော့ လိပ်ခေါင်းသက်သာအောင် ပိုပြီး မဆိုးရအောင်
၁။ အမျှင်ပါတဲ့ အစားအစာ များများစားပေးရပါမယ်။
၂။ ဝမ်းအချုပ်မခံရပါ။
၃။ ဝမ်းချုပ်လျှင် ဝမ်းပျော့ဆေး သောက်ပေးရပါမယ်။
၄။ ရေများများ သောက်ပေးရပါမယ်။
၅။ ကိုယ်လက်လှုပ်ရှား လေ့ကျင့်ခန်း လုပ်ပေးရပါမယ်။
၆။ နာတာ ယားတာ တွေအတွက် ပါရာစီတမော၊ Diclo gel၊ Lignocaine gel နဲ့ Metro gel တွေ သောက်ပေး လိမ်းပေး လို့ရပါတယ်။
၇။ ရောင်နေတဲ့အခါ ရေခဲပတ် ကပ်ပေးလို့ရပါတယ်။
၈။ ကြက်သီးနွေးဆားငံရေ လည်း ထိုင်ပေးရပါမယ်။
၉။ အိမ်သာတက်လျှင် တတ်နိုင်သမျှ မညှစ်ပါနဲ့။
၁၀။ Kegel exercise ( စအိုရှုံ့ လေ့ကျင့်ခန်း ) လုပ်ပေးရပါမယ်။
ခွဲစိပ်ကုသနည်း
-အဆင့် (၄) အတွင်းလိပ်ခေါင်းတွေကတော့ ခွဲစိပ်ကုသရပါမယ်။
-လိပ်ခေါင်းထဲမှာ သွေးခဲနေလျှင်မဖြစ်မနေ ခွဲစိပ်ကုသရပါမယ်။ခွဲစိပ်ကုသနည်းကတော့ ၃ နည်း ရှိပါတယ်။ အဆင်ပြေတဲ့နည်း နဲ့ ခွဲစိပ်လို့ ရပါတယ်။ ခွဲစိပ်ကုသနည်း မဟုတ်ဘဲ သားရေကွင်းပစ်နည်း၊ ရှုံ့ဆေးထိုးနည်းတွေ၊ ခွဲခန်းသုံးမီးရှို့နည်း တွေနဲ့လည်း ကုသလို့ရပါသေးတယ်။
ဒါကြောင့် လိပ်ခေါင်းရောဂါ ဝေဒနာ ခံစားနေရသူများ ရှက်လို့ပဲဖြစ်ဖြစ် ကြောက်လို့ပဲ ဖြစ်ဖြစ် ကြိတ်မှိတ်ခံစားမနေဘဲ မှန်ကန်သော ကုသမှုကို အချိန်မှီ ခံယူနိုင်ပါစေဟု ရည်ရွယ်လျှက်
Dr.Fleming
https://www.bupa.co.uk/health-information/digestive-gut-health/haemorrhoids
