Phimosis ဆိုတာက အမျိုးသားအင်္ဂါထိပ်ဖုံးအရေပြား ဆွဲလှန်မရတဲ့ အခြေအနေကို ဆိုလိုတာပါ။မွေးကင်းစ မှ အသက် ၃ နှစ်အထိက ဖြစ်လေ့ဖြစ်ထရှိတဲ့ အခြေအနေတစ်ခုဖြစ်ပါတယ်။ ဘာကြောင့်လဲဆိုတော့ အသက် ၃ နှစ်အထိက အရေပြားနဲ့ ကွမ်းသီးခေါင်းလို့ ခေါ်တဲ့အင်္ဂါထိပ်နဲ့ ကပ်နေလို့ဖြစ်ပါတယ်။ အသက် ၂နှစ် နဲ့ ၆ နှစ်ကြားမှာ ထိပ်ဖုံးအရေပြားနဲ့ အင်္ဂါထိပ်စတင်ကွာလာလေ့ရှိပြီး ကလေး ၉၀ ရာခိုင်နှုန်းခန့်ဟာ အသက် ၃ နှစ်အရွယ်မှာ ဆွဲလှန်လို့ ရသွားကြပါတယ်။ ကျန်ရာခိုင်နှုန်းအနည်းငယ်သော ကလေးတွေဟာလည်း နောက်ပိုင်းတဖြည်းဖြည်း ဆွဲလှန်လို့ ရလာကြပေမဲ့ ၁၆ နှစ်မှ ၁၈ နှစ်အကြား ဆက်ကျော်သက်အရွယ် လူပျိုဖော်ဝင်တချို့မှာတော့ ထိပ်ဖုံးမပြုတ်တဲ့ရောဂါ ( Phimosis ) ဖြစ်လာကြပါတယ်။ အရွယ်ရောက် အမျိုးသားတွေမှာလည်း အကြောင်းတစ်ခုခုကြောင့် ထိပ်ဖုံးအရေပြားဆွဲလှန် မရတော့တာတွေ ဖြစ်တတ်ကြပါသေးတယ်။
ရောဂါဖြစ်ရတဲ့ အကြောင်းအရင်းများ
လူပျိုဖော်ဝင်ပြီးနောက်ပိုင်း လူငယ်မျိုးသားတွေမှာအရေပြားမပြုတ်တဲ့ရောဂါ ဖြစ်နိုင်တဲ့အကြောင်းအရာတွေကတော့
-ဆီးလမ်းကြောင်းရောဂါပိုးဝင် ခဏခဏဖြစ်ခြင်း
-ထိပ်ဖုံးအရေပြားရောဂါပိုးဝင်ခြင်း
-ထိပ်ဖုံးအရေပြားထိခိုက်မိခြင်း
-ထိပ်ဖုံးအရေပြားကို ကြမ်းကြမ်းတမ်းတမ်း ကိုင်တွယ်မိခြင်း
အရွယ်ရောက် အမျိုးသားတွေ ဖြစ်နိုင်တဲ့အကြောင်းအရာတွေကကတော့
-Eczema
-Psoriasis
-Lichen planus
-Lichen Sclerosus စတဲ့အရေပြားရောဂါများ
အထက်ပါ အခြေအနေတွေမှာ ထိပ်ဖုံးအရေပြားက မာခဲသွားပြီး ဆွဲလှန်လို့မရတော့တာ ဖြစ်စေတာပါ။
ရောဂါလက္ခဏာများ
-ဆီးသွားရခက်ခဲခြင်း
-ဆီးသွားချိန်ကြာခြင်း
-ဆီးသွားလို့ မဝခြင်း၊ ဆီးကျန်ခြင်း
-ကွမ်းသီးခေါင်းအနာဖြစ်ခြင်း၊ ပိုးဝင်ခြင်း
-လိင်တံထောင်မတ်ချိန် နာကျင်ခြင်း
-လိင်ဆက်ဆံစဥ်နာကျင်ခြင်း
-လိင်ဆက်ဆံချိန် အရေပြားကွဲအက် အနာဖြစ်ခြင်း
-လိင်ဆက်ဆံစဥ် ခံစားမှုမကောင်းခြင်း
-လိင်တံကင်ဆာအဖြစ်ပြောင်းလဲခြင်း
စတာတွေခံစားရနိုင်ပါတယ်။
ကုသမှု
အရိုးရှင်းဆုံးကုသမှုကတော့ မေ့ဆေး၊ ထုံဆေး အသုံးပြုပြီး Circumsicion လို့ခေါ်တဲ့ ထိပ်ဖုံးအရေပြား ဖြတ်ထုတ်ခွဲစိပ် ကုသလိုက်တာပါပဲ။
ကွမ်းသီးခေါင်း ပိုးဝင်အနာဖြစ်တာတွေ အတွက် ပိုးသတ်ဆေးသောက်ဖို့လိုပါတယ်။
Steroid လိမ်းဆေးအသုံးပြုပြီး အရေပြားကို တဖြည်းဖြည်း ဆွဲလှန်ပေးတဲ့ လေ့ကျင့်ခန်းလည်း လုပ်လို့ရပါသေးတယ်။
ခွဲစိပ်မှုရဲ့ဘေးထွက်ဆိုးကျိုးများ
သွေးထွက်လွန်တာ နဲ့ ခွဲထားတဲ့နေရာမှာပိုးဝင်ပြီး အနာကျက်နှေးတာတွေ ဖြစ်နိုင်ပေမဲ့ မဖြစ်သလောက် နည်းပါးပါတယ်။
Dr Fleming